Wedi gwaith adfywio mawr, roedd Canolfan Hamdden Trem y Môr am arddangos eu hystafell ffitrwydd fodern newydd, CF11 Fitness Y prif ffocws oedd hyrwyddo canolfan fforddiadwy, gyfeillgar, gynhwysol a fyddai’n annog unrhyw un i ymuno.Bu i ni ganolbwyntio ar greu dyluniad byw, syml. Integreiddio i’r cyfryngau cymdeithasol, hidlwyr dosbarthiadau ymarfer, gallu lawrlwytho amserlenni yn ei gwneud yn hawdd a hygyrch i gwsmeriaid gael gwybodaeth ac ymgysylltu â’r ganolfan.

Roedd y tîm Gwasanaethau Gwastraff Masnachol am gynyddu nifer eu cwsmeriaid a datblygu gwefan apelgar i gystadlu â chwmnïau lleol a chenedlaethol sy’n cynnig gwasanaethau tebyg.Bu i ni ganolbwyntio ar ddatblygu gwefan addysgol ac ymarferol trwy integreiddio fideos addysgol a blog digwyddiadau i roi’r wybodaeth ddiweddaraf i gwsmeriaid. Mae ychwanegu ffurflen gyswllt benodol at ymyl pob tudalen yn annog cwsmeriaid i gysylltu â’r tîm yn hawdd.

Roedd ein cleient eisiau diweddaru ei wefan i hyrwyddo ystod eang o barciau a mannau gwyrdd a’r amwynderau awyr agored sydd ar gael yng Nghaerdydd ac amlygu pwysigrwydd bywyd iach ac actif. Roedd hefyd yn allweddol er mwyn hyrwyddo manteision i’r iechyd a lles a ddaw wrth fforio’r awyr agored.Bu i ni ganolbwyntio ar greu gwefan sy’n denu ac yn apelio at y llygaid trwy ddefnyddio orielau lluniau i hyrwyddo ac annog pobl i fforio Caerdydd a’r ardal o’i chwmpas. Ychwanegwyd ffurflenni cyswllt a chais i adael i’r cyhoedd greu a gweld digwyddiadau mynd am dro a cherdded bryniau. Roedd hefyd yn bwysig gan y cleient bod y wefan yn addysgol ac yn cynnig canllawiau ar flodau ac anifeiliaid yn ogystal â mapiau i’w lawrlwytho.

Gyda nifer uwch o ymwelwyr i Gartref Cŵn Caerdydd, a mwy o bobl eisiau gwirfoddoli fel cerddwyr cŵn, roedd ein cleient eisiau gwefan lle gallai gwirfoddolwyr posibl gofrestru am hyfforddiant. Roedden nhw am hyrwyddo perchnogaeth gyfrifol ymhlith perchnogion ci presennol a darpar berchnogion.Bu i ni ganolbwyntio ar ddylunio gwefan ddeinamig ar gyfer y cleient a’r cwsmeriaid. Roedd y galw uchel am gerddwyr cŵn yr oedd angen iddynt fynd i sesiwn sefydlu’n golygu bod cynnwys ffurflen archebu yn hanfodol. Mae’r hysbysfwrdd colli a chanfod yn brif nodwedd ar y wefan, ac mae’n rhoi cyfle i’r cleient uwchlwytho lluniau a disgrifiad byr o bob ci y mae’n ei dderbyn a’i statws o ran cael cartref newydd.

Partneriaeth y Gweithlu Rhanbarthol
Roedd ein cleient yn cynrychioli partneriaeth o weithwyr cymorth trwy Gaerdydd a’r Fro. Nod y wefan oedd hyrwyddo’r bartneriaeth a chynorthwyo twf a datblygiad yn y sector gyda mynediad at hyfforddiant a gwybodaeth am yrfaoedd.Bu i ni ganolbwyntio ar ddylunio gwefan hawdd ei defnyddio a lliwgar lle gallai gofalwyr ddod o hyd i wybodaeth a chymorth defnyddiol. Mae ein hidlwyr gyrfaoedd a gwybodaeth, yn ogystal ag integreiddio chwiliwr gwefan yn ei gwneud yn haws i bobl ei defnyddio a chael yr wybodaeth y mae ei hangen arnynt.

Roedd hi’n bwysig gan ein cleientiaid y byddai eu gwefan yn atynnu gofalwyr maeth wrth amlygu’r cymorth a hyfforddiant sydd ar gael i ofalwyr maeth presennol. Mae ymgyrch hefyd i annog gofalwyr sy’n maethu ar hyn o bryd trwy asiantaethau preifat i ddod i faethu i Gaerdydd.Bu i ni ganolbwyntio ar ddatblygu gwefan ddefnyddiol, llawn gwybodaeth a fyddai’n ddefnyddiol i ddarpar ofalwyr maeth a’r rhai presennol. Roedd Digwyddiadau a Newyddion yn nodweddion pwysig i ni eu cynnwys, a fydd yn helpu i hyrwyddo unrhyw ddigwyddiadau hyfforddi neu recriwtio sydd gan y cleient ar y gweill. Mae blog a fideo wedi eu defnyddio ar y wefan i amlygu tystebau a ffurflenni cyswllt i’w gwneud hi’n haws i ofalwyr, neu ddarpar ofalwyr maeth, fynegi eu diddordeb yn y gwasanaeth.

Roedd ein cleient eisiau gwefan newydd, ddeinamig a fyddai’n hyrwyddo’r gweithgareddau a chyrsiau sydd ar gael yn Storey Arms, wrth amlygu lleoliad hardd y ganolfan yng nghanol y Bannau Brycheiniog.Roeddent am i’w gwefan fod yn gwbl hygyrch ac ar gael ar bob dyfais, iddi fod yn lle y gall athrawon, rhieni a disgyblion fynd i gael gwybodaeth ddiweddar am y ganolfan cyn mynd ar gwrs neu weithgaredd.

Bu i ni ddatblygu gwefan gwbl ymatebol, sy’n mynnu’r sylw wrth amlygu’r cyfleusterau a’r llety sydd yn y ganolfan ac sy’n cynnig llawer o wybodaeth hawdd ei chael.

Gan fod hwn yn wasanaeth archifau ar y cyd ar gyfer chwe awdurdod lleol, roedd hi’n hanfodol bod gwefan Archifau Morgannwg yn ddeinamig, yn mynnu sylw ac yn hawdd ei defnyddio. Roedd ein cleient eisiau i’r wefan apelio at gynulleidfa darged eang ac amlygu ei wasanaethau mewn ffordd ddiddorol ac addysgol.Bu i ni ganolbwyntio ar ddatblygu gwefan syml a hygyrch a fyddai’n darparu ar gyfer amrywiaeth o bobl. Gwnaethom yn siŵr y gallai pobl gyrchu gwybodaeth yn hawdd trwy ychwanegu nodwedd digwyddiadau y gellid ei defnyddio i hyrwyddo sgyrsiau’r dyfodol yn uniongyrchol ar y dudalen hafan. Roedd y nodwedd blog ychwanegol yn ddelfrydol ar gyfer ein cleient i gyhoeddi newyddion a straeon am ganfyddiadau hanesyddol ac archifol, sy’n golygu y bydd y cyhoedd am ddychwelyd i’r wefan i gael gwybodaeth ddiweddar neu i ddarllen y naratif y tu cefn i rai o’r eitemau yn yr archif.

Roedd ein cleient eisiau gwefan lle byddai’n hawdd cael gwybodaeth am gymorth i fynd yn ôl i waith trwy Gaerdydd. Golygai hyn ei bod yn bwysig cynnwys gwybodaeth am hyfforddiant, mynediad at gynghorwyr gyrfaoedd yn ogystal â chanllaw ar gychwyn busnes. Roedd y cleient hefyd eisiau amlygu pa mor rhwydd yw defnyddio’r gwasanaeth i gymunedau lleol, gan ganolbwyntio fwyaf ar bobl sy’n agored i niwed a hyrwyddo ac annog addysg well.Bu i ni ganolbwyntio ar greu gwefan glir, fodern a fyddai’n hygyrch i amrywiaeth o bobl ac a fyddai hefyd yn amlygu gwybodaeth bwysig a gwasanaethau y mae’r cleient yn eu cynnig. Mae cynnwys y cyfryngau cymdeithasol a nodweddion fideo yn y wefan yn helpu i greu safle deinamig sy’n apelgar ac yn ei gwneud yn hawdd i chwilwyr swydd gysylltu.

Mae ein cleient yn darparu gwybodaeth i fyfyrwyr sy’n byw yng Nghaerdydd a gyda phoblogaeth myfyrwyr o 36,000, roedd yn bwysig bod y wybodaeth yn glir ac yn hygyrch i ystod eang o bobl.Gwnaethom ganolbwyntio ar greu gwefan ddeniadol a hygyrch a fyddai’n rhwydd ei lywio ac yn apelio at ddemograffig iau yn bennaf. Roedd integreiddio Cyfryngau Cymdeithasol yn nodwedd bwysig y gwnaethom ei chynnwys, gan ei wneud yn haws i’r cleient ddiweddaru gwybodaeth a chynnig platfform i fyfyrwyr gysylltu â nhw.

Roedd ein cleient eisiau gwefan amrywiol a fyddai’n ei alluogi i roi gwybodaeth i breswylwyr am Ailgylchu a rheoli gwastraff. Roedd angen i’r safle amlygu cyfleoedd i wirfoddoli, gwybodaeth am reoli gwastraff a chael adran ryngweithiol a fyddai o fudd i blant ysol ddysgu am ailgylchu.Gwnaethom ganolbwyntio ar ddatblygu gwefan a oedd yn ddynamig ac yn ddeniadol trwy drefnu’r hafan gyda fformat teils, sy’n sgrolio trwy ddelweddau ac yn cynnwys fideos addysgiadol. Roedd y blog/eitem newyddion ychwanegol yn bwysig i’n cleient barhau i ddiweddaru’r wefan gyda gwybodaeth a newyddion. Datblygom adran hollol ddynamig, wedi’i hanelu at blant ysgol i’w dysgu am ailgylchu, roedd y rhan hon yn cynnwys stori wedi’i hanimeiddio gydag elfennau cwis rhyngweithiol.

Roedd ein cleient eisiau i’w gwefan ddarparu mynediad rhwydd at gyngor cyfredol i amrywiaeth o bobl, o blant a phobl ifanc i oedolion a phobl broffesiynol. Roedd yn hanfodol bod defnyddwyr yn gallu llywio’r wybodaeth yn rhwydd a lawrlwytho dogfennau arweiniad, deddfwriaeth a phrotocol.Gwnaethom ganolbwyntio ar greu gwefan sydd wedi’i rhannu rhwng diogelu plant a diogelu oedolion, gan sicrhau ei fod yn syml i ddefnyddwyr lywio yn ôl ac ymlaen rhwng y ddau. Gan fod gan y cleient ddemograffig mor fawr ac amrywiol, gwnaethom sicrhau bod yr holl gynnwys yn hygyrch, wedi’i arddangos yn glir ac yn gryno o ran gwybodaeth allweddol. Oherwydd bod i’r wefan natur mor sensitif a difrifol, penderfynom fod cynnwys galwad am gamau gweithredu ‘Adrodd am Bryder’ yn bwysig ynghyd â nodwedd ‘Cuddio’r dudalen we hon’ ar gyfer unrhyw ddefnyddwyr sy’n agored i niwed ar y safle.

Gan fod y ddemograffeg darged mor amrywiol, roedd angen gwefan ar ein cleient a fyddai’n hawdd gwe-lywio o’i chwmpas ac yn hygyrch i bawb. Y prif ddiben oedd tynnu sylw at y gwasanaethau seremonïol a gynigir gan Swyddfa Gofrestru Caerdydd, a rhoi gwybodaeth hefyd am y gwasanaethau eraill.

Roedd ein pwyslais ar greu gwefan siriol a gafaelgar a oedd yn hawdd gwe-lywio o’i chwmpas ac yn tynnu sylw at y gwasanaethau a’r lleoliadau sydd ar gynnig. Roedd integreiddio’r rhestr ‘Mangreoedd Cymeradwy’ gyfredol yn galluogi cwsmeriaid i hidlo lleoliadau posibl ar gyfer eu priodasau, ac roedd ychwanegu’r ffurflen gyswllt yn galluogi darpar gwsmeriaid i ofyn am wasanaethau y tu allan i’r oriau gweithredu arferol.

Oherwydd pwysigrwydd dogfennaeth ar gyfer priodasau, partneriaethau sifil, genedigaethau a marwolaethau, mae’n hollbwysig i’r wybodaeth gael ei harddangos mewn ffordd glir a chryno heb gynnwys gormod o ymadroddion cyfreithiol. Gwnaethom gyflawni hyn trwy drefnu’r cynnwys mewn adrannau ac ychwanegu rhestrau i bobl eu defnyddio.

Mae EVAC Caerdydd yn bartneriaeth amlasiantaeth sy’n helpu pobl a chymunedau i baratoi ar gyfer unrhyw ddigwyddiadau neu argyfyngau mawr. Mae hyn yn cynnwys llifogydd neu dywydd garw, neu ddamweiniau trafnidiaeth.
Gyda diddordeb cynyddol y cyhoedd mewn rheoli argyfyngau yn y ddinas, roedd ein cleient yn awyddus i’r wefan fod yn addysgol ac yn gryno ac i gynnwys y cyfleusterau chwilio gorau posibl. Byddai hyn yn galluogi preswylwyr posibl i gyrchu’r wefan dan amgylchiadau brys.Gwnaethom ddatblygu gwefan a oedd yn hawdd gwe-lywio o’i chwmpas ac a oedd yn hyb gwybodaeth i breswylwyr Caerdydd. Gwnaethom integreiddio map â haenau wedi’u hidlo i dynnu sylw at fannau diddorol ar hyd a lled y ddinas e.e. mannau gadael, diffribilwyr. Bydd hyn yn ddefnyddiol fel cymorth yn ystod trychineb ac mae’n galluogi pobl i baratoi eu hunain cyn unrhyw argyfwng.

Ychwanegwyd ffrydiau cyfryngau cymdeithasol perthnasol at wahanol adrannau’r wefan hefyd i roi’r wybodaeth ddiweddaraf i bobl am y tywydd, trafnidiaeth a’r gwasanaethau brys.

Roedd ein cleient am wefan a fyddai’n hyrwyddo’r cyfleusterau a’r gwasanaethau mae’n eu cynnig. Tynnon ni sylw at fanylion yr ystafelloedd hyfforddi a’r cyfarpar a’r tiwtoriaid sydd ar gael i ddarpar gwsmeriaid.Rhan allweddol o’r wefan oedd bar chwilio am gyrsiau i alluogi’r darpar gwsmer i we-lywio a chwilio am sesiynau hyfforddi penodol. Penderfynwyd rhoi hwn ar dudalen yr hafan i fod yn un o’r pethau cyntaf bydd y cwsmer yn eu gweld gan mai hwn oedd rhan bwysicaf y wefan. Hefyd neilltuwyd adran o’r wefan i gynnwys dulliau chwilio am gyrsiau a thynnwyd sylw at y cyrsiau mwyaf poblogaidd.
Penderfynon ni mai’r peth gorau fyddai dangos yr ystafelloedd i’w llogi trwy lyfrgell luniau a fyddai’n helpu darpar gwsmeriaid i gael syniad gwell o’r sesiynau hyfforddi cyn cofrestru.

Ychwanegwyd ffurflen i alluogi cwsmeriaid i gysylltu â’r cleient yn hawdd gydag ymholiadau cyffredinol, i drafod llogi ystafell neu i gael gwybodaeth am gwrs.

Sefydlwyd gwefan Gwirfoddoli Caerdydd i fod yn hyb ar gyfer pob cyfle gwirfoddoli yng Nghaerdydd. Mae’r cyfleuster chwilio yn galluogi pobl sydd â diddordeb mewn gwirfoddoli i bori yn ôl ardal ac argaeledd, ac mae ffrwd Twitter a hysbysebion ar dudalen yr hafan yn tynnu sylw at y cyfleoedd diweddaraf. Hefyd mae adran cymorth a datblygu ar gyfer rheoli sefydliadau trydydd sector gyda dolenni i hyfforddiant ar gyfer gwirfoddolwyr a rheolwyr gwirfoddolwyr. Mae hanesion llawn ysbrydoliaeth ar ffurf dyfyniadau a fideo gan wirfoddolwyr yn helpu i annog mwy o bobl i gymryd rhan.

Mae gwefan Harbwr Caerdydd wedi cael ei theilwra ar gyfer twristiaid a llongwyr, gan gynnig gwybodaeth fordwyo hanfodol i alluogi cychod i angori’n ddiogel, yn ogystal â hyrwyddo gweithgareddau ym Mae Caerdydd a’r cyffiniau. Mae’r adran weithgareddau’n cynnwys hidlwr sy’n galluogi twristiaid i ddewis y math o weithgareddau maent yn chwilio amdanynt. Yn ogystal mae gan y wefan adran addysgol sy’n cyflwyno treftadaeth a phwysigrwydd amgylcheddol y Bae, ynghyd â’r Cod Diogelwch yn y Dŵr a’r cyfleoedd i ddysgu am hwylio.A hithau’n wefan sydd â’r nod o ddenu ymwelwyr i’r Bae, mae Harbwr Caerdydd yn cynnwys llawer o luniau dethol sy’n dangos uchafbwyntiau’r Bae. Mae ffrwd Twitter ynghlwm wrthi hefyd gyda’r newyddion diweddaraf am ddigwyddiadau ac ati yn y Bae.

Roedd Gwasanaethau Trafnidiaeth Canolog Caerdydd am ddenu mwy o gwsmeriaid masnachol i wneud defnydd o’r gwasanaethau a’r cyfarpar sydd ganddynt, sy’n addas ar gyfer cerbydlu mawr. Prif ddiben y wefan hon oedd hyrwyddo eu gwasanaethau masnachol fel cyfle argyhoeddiadol a chystadleuol i gleientiaid masnachol wasanaethau a rheoli eu cerbydluoedd. Mae llithrydd sy’n dangos awyrluniau o’r cyfleusterau yn rhoi ymdeimlad i gwsmeriaid masnachol o faint y gweithrediadau mae GTC yn gallu ymgymryd â nhw.Mae’r wefan hefyd yn cynnwys adran sydd wedi’i theilwra i’r cyhoedd, gan ganolbwyntio’n fwy ar fforddiadwyedd a bod yn gyfleus ac yn gyfeillgar. Nodwedd bwysig arall y wefan yw’r calendr archebu sy’n galluogi cwsmeriaid i drefnu apwyntiad gwasanaethu ar-lein a derbyn e-bost cadarnhau.

Nod y wefan hon yw apelio at ddysgwyr sy’n oedolion o bob math a’u hannog. Cyflawnwyd hyn drwy ychwanegu dyfyniadau gan ddysgwyr a chatalog cyrsiau ar-lein integredig sy’n galluogi defnyddwyr i gofrestru ar gwrs yn syth o’r wefan. Gall defnyddwyr bori cyrsiau drwy gategorïau rhesymegol neu drwy edrych drwy restr lawn o gyrsiau.
Mae gan y wefan hefyd hafanddalen ddeinamig. Mae cwymplen ar y brig ac os caiff tudalen ei dewis mae’r tudalennau eraill o’r gwymplen yn gyfleus mewn dewislen ochr ar y dudalen hon i roi mynediad hawdd.

Roedd ein cleient am gael gwefan ddifyr i annog tenantiaid y cyngor i gyfrannu a rhoi eu barn ar faterion sy’n effeithio arnynt fel newidiadau i wasanaethau. I wneud hyn gwnaethom ddylunio’r hafanddalen i fod yn ffrwd newyddion gyda thabiau ochr yn galluogi defnyddio i fireinio’r ffrwd i ddangos digwyddiadau sy’n dod, negeseuon diweddar a chategorïau. Mae gan y wefan wedd gyfeillgar, liwgar gyda dewislenni glas, digon o ddelweddau a ffontiau gwyrdd a glas i ategu ailfrandio diweddaraf y tîm.

Nod y wefan hon yw dod â gwasanaethau ynghyd gan nifer o dimau o fewn Caerdydd i helpu i gefnogi teuluoedd gyda gofal plant, materion ariannol a thai.
Roedd ein cleient am gael gwefan i 3 cynulleidfa unigryw: gweithwyr proffesiynol, pobl ifanc a rhieni. Creom y 3 adran hyn gyda chynnwys sy’n berthnasol i bob un gan ei gwneud yn hawdd newid rhyngddynt drwy dewislen ar y brig. Mae hefyd dudalen cyswllt a chyngor brys ar y ddewislen uchaf lle mae ganddi fotwm lliw gwahanol gyda symbol rhybudd i’w gwneud yn weladwy.Gwnaethom hefyd osod adran ‘siarad â ni’ gyda ffurflen neges a dolenni i ffyrdd eraill o gysylltu. Ar gyfer thema’r wefan gwnaethom ddewis cynllun lliwgar, llachar gyda blociau testun lliw i’w gwneud hi’n addasu i blant.

Roedd ein cleient eisiau gwefan a oedd yn cyfuno gwahanol linynnau’r gwasanaethau a gynigir ganddo: Teleofal, y gwasanaeth Pryd ar Glud sydd wedi’i wella ac eraill, tra’n cadw brand unigryw pob un. Roedd hefyd eisiau pwysleisio’r amrywiaeth eang o bobl sy’n defnyddio’i gynnyrch i newid y canfyddiadau hen ffasiwn o ddefnyddwyr gwasanaeth a chefnogi pobl i aros yn annibynnol yn eu cartrefi eu hunain. Fe wnaethon ni gyflawni hyn drwy ddefnyddio amrywiaeth o luniau, fideos a thystebau gan arddangos y gwahanol resymau roedd pobl angen y gwasanaethau, a sut maen nhw wedi elwa ohonynt.Mae’r safle hefyd yn hyrwyddo cynhyrchion technoleg cynorthwyol fel Archie a larymau cymunedol, yn ogystal â chyflwyno amrywiaeth o becynnau a dewisiadau gwasanaeth i gwsmeriaid.

Ar gyfer gwefan Parc Bute roedd angen i ni gwblhau gwybodaeth am ystod o atyniadau gwahanol a’i chyflwyno mewn ffordd syml. Gwnaethom ddefnyddio thema coedwig werdd ddofn i gyd-fynd â logo Parc Bute a recordiadau drôn i ddangos delweddau awyr o’r parc fel cefndir i ran uchaf y dudalen, i greu baner nodwedd ddeniadol.
Mae llawer iawn o ddelweddau ar y wefan i frolio nodweddion megis y bywyd gwyllt sy’n byw yno a’r planhigion sydd ar werth, a lluniau i hysbysebu gweithgareddau ar yr hafan fel atyniadau a sesiynau addysgol. Mae gan y bar dewislen uchaf gwymplenni mawr sy’n amlygu gwybodaeth hanfodol fel amseroedd agor a rheolau’r parc.